ນໄອຊີທີ ກະຊວງສຶກສາທິການ ແລະ ກິລາ ຈັດກອງປະຊຸມຝຶກອົບຮົມສ້າງຄວາມເຂັ້ມແຂງໃນການບໍລິຫານຄຸ້ມຄອງເວັບໄຊ ໃຫ້ ພະນັກງານ ສູນໄອຊີທີ ຂັ້ນແຂວງ 18 ແຂວງ ທົ່ວປະເທດ
ວັນທີ 25 ມີນາ 2024 ສູນ ໄອຊີທີ ກະຊວງສຶກສາທິການ ແລະ ກິລາ ໄດ້ຈັດກອງປະຊຸມສ້າງຄວາມເຂັ້ມແຂງການບໍລິຫານຄຸ້ມຄອງເວັບໄຊ້ ໃຫ້ພະນັກງານຂັ້ນແຂວງ 18 ແຂວງທົ່ວປະເທດ ລະຫວ່າງວັນທີ 25-29 ມີນາ 2024 ທີ່ ສູນຝຶກອົບຮົມຜູ້ບໍລິຫານການສຶກສາ ເມືອງ ວັງວຽງ ແຂວງ ວຽງຈັນ ໂດຍການນຳໃຊ້ງົບປະມານ ຂອງໂຄງການ ກອງທຶນຮ່ວມມືສາກົນເພື່ອການສຶກສາໄລຍະສາມ " ໂຄງການຮຽນຮູ້ ແລະ ຄວາມເທົ່າທຽມ " ໃຫ້ກຽດເປັນປະທານໂດຍທ່ານ ພູເຂົາກ້າ ສັກລໍຄຳ ຜູ້ອຳນວຍການສູນ ໄອຊີທີ ກະຊວງສຶກສາທິການ ແລະ ກິລາ, ມີຜູ້ອຳນວຍການສູນໄອຊີທີຂັ້ນແຂວງ,ຮອງອຳນວຍການສູນໄອຊີທີຂັ້ນແຂວງ ພ້ອມດ້ວຍວິຊາການລວມທັງໝົດ 45 ທ່ານ, ຍິງ11ທ່ານ.
