ໃນວັນທີ 20 ມີນາ 2026 ກົມຄຸ້ມຄອງວິທະຍາສາດ, ກະຊວງສຶກສາທິການ ແລະ ກິລາ ໄດ້ຈັດກອງປະຊຸມ ທາງວິຊາການ ພາຍໃຕ້ຫົວຂໍ້ “ກ່ຽວກັບການພັດທະນາຖານຂໍ້ມູນວິທະຍາສາດ ເພື່ອເຊື່ອມໂຍງ ເຂົ້າໃນລະບົບ LESMIS” ຂອງຂະແໜງວິທະຍາສາດ. ກອງປະຊຸມດັ່ງກ່າວ ໂດຍໃຫ້ກຽດເຂົ້າຮ່ວມເປັນປະທານ ຂອງ ທ່ານ ສຸກສະຫວາດ ສີຫາປັນຍາ ຫົວໜ້າກົມຄຸ້ມຄອງວິທະຍາສາດ ແລະ ມີບັນດາທ່ານ ຮອງຫົວໜ້າກົມແຜນການ, ຫົວໜ້າສູນສະຖິຕິການສຶກສາ, ວິທະຍາສາດ ແລະ ກິາ, ຮອງຫົວໜ້າກົມຄຸ້ມຄອງວິທະຍາສາດ, ຮອງຫົວໜ້າຫ້ອງການສະພາວິທະຍາສາດແຫ່ງຊາດ, ຮອງຜູ້ອຳນວຍການສະຖາບັນຄົ້ນຄ້ວາວິທະຍາສາດ ແລະ ນະວັດຕະກຳ, ມີບັນດາຫົວໜ້າພະແນກ, ຮອງຫົວໜ້າພະແນກ ແລະ ວິຊາການ ກົມການສຶກສາຊັ້ນສູງ ແລະ ກົມອາຊີວະການສຶກສາເຂົ້າຮ່ວມ
ຈຸດປະສົງຂອງກອງປະຊຸມ ແມ່ນ:
- ເພື່ອເປັນການປຶກສາຫາລືທາງວິຊາການ ກ່ຽວກັບການພັດທະນາຂໍ້ມູນ ຂອງຂະແໜງ ວິທະຍາສາດ ໄປສະແດງຜົນໃນກະດານຂ່າວ LESMIS;
- ກົນໄກການປະສານງານ ຂອງຂະແໜງການທີ່ກ່ຽວຂ້ອງ ຢູ່ໃນຂັ້ນ ສູນກາງ,
- ການສ້າງຄວາມເຂັ້ມແຂງໃຫ້ກັບພະນັກງານ-ວິຊາການຂອງຂະແໜງວິທະຍາສາດ ກ່ຽວກັບ ວຽກງານສະຖິຕິວິທະຍາສດ;
- ກ່ຽວກັບການພັດທະນາລະບົບຖານຂໍ້ມູນວິທະຍາສາດ, ເກັບກຳ, ສັງລວມ ແລະ ສ້າງລະບົບລາຍງານ ເຂົ້າໃນກະດານຂ່າວ LESMIS ແລະ ເຜີຍແຜ່ອອກສູ່ສັງຄົມ ແລະ ບັນຫາອື່ນໆ
- ເພື່ອເລີ່ມທົດລອງປ້ອນຂໍ້ມູນສະຖິຕິວິທະຍາສາດແລະ ແບ່ງຄວາມຮັບຜິດຊອບໃນການປ້ອນຂໍ້ມູນເຂົ້າໃນລະບົບ ແລະອື່ນໆ
